MCHAKATO WA KUMPATA SKAUTI MKUU.
BEN
KOMBA/PWANI-TANZANIA/1/13/2013/19:21:17
KAMISHNA WA SKAUTI KATIKA MKOA WA PWANI, BW. HAMIS
MASASA AMEMPONGEZA MKUU WA MKOA WA MKOA WA PWANI KWA KUWEZA KUSHINDA NAFASI YA
KWANZA KATIKA MCHAKATO WA KUMPATA SKAUTI MKUU WA TANZANIA.
AKIZUNGUMZA NA MWANDISHI WA HABARI HIZI MJINI
KIBAHA, KAMISHINA WA SKAUTI MKOA WA PWANI, BW. MASASA AMESEMA KITENDO CHA BIBI.
MWANTUM MAHIZA KUONGOZA KATIKA KINYANG'ANYIRO HICHO KWA KUWASHINDA WAGOMBEA
WENGINE WAWILI AMBAO WAMEPATA KURA 22 KILA MMOJA AMBAO NI BW.ABDULKARIM SHAH
MBUNGE WA MAFIA NA BW. KAJUNGUMJULI KUTOKA MKOA WA MWANZA, AMBAPO BIBI.MAHIZA
AMEIBUKA NA KURA 47.
BW. MASASA AMESEMA BAADA YA HATUA HIYO MAJINA MATATU
YATAWASILISHWA KWA RAIS WA CHAMA CHA SKAUTI TANZANIA, AMBAYE NI WAZIRI WA ELIMU
NA MAFUNZO YA UFUNDI BW. SHUKURU KAWAMBWA KAMA UTARATIBU UNAVYOELEKEZA AMBAYE
NAYE ATAYAWAKILISHA KWA MLEZI WA CHAMA CHA SKAUTI TANZANIA, RAIS WA JAMHURI YA
MUUNGANO WA TANZANIA, DOKTA JAKAYA KIKWETE AMBAYE YEYE ATAKUWA NA JUKUMU LA
KUCHAGUA JINA MOJA KATI YA MATATU YALIYOCHAGULIWA ILI KUMPATA SKAUTI MKUU NA
BADAYE KUAPISHWA KWA MUJIBU WA TARATIBU.
BW. MASASA AMEELEZEA UWEZO WA BIBI. MWANTUM MAHIZA
WA KUPANGA MIPANGO MBALIMBALI YA KUMUENDELEZA KIJANA NA MFANO NI UANZISHAJI WA
KAMBI YA MAARIFA ILIYOKUFANYIKA KATIKA KIJIJI CHA MSOGA WILAYANI BAGAMOYO
AMBAPO VIJANA WALIKUSANYWA KUTOKA WILAYA ZA MKOA WA PWANI NA KUPATIWA MAFUNZO
YA UJENZI WA NYUMBA KWA GHARAMA NAFUU NA KUWEZESHA VIJANA HAO KUPATIWA MASHINE
ZA KUFYATUA TOFALI NA MIFUKO 100 YA UDONGO ULAYA.
KWA HATUA HIYO YEYE KAMA KAMISHNA WA SKAUTI MKOA WA
PWANI KWA NIABA YA SKAUTI WA MKOA HUO AMECHUKUA FURSA HIYO KUMPONGEZA BIBI.
MAHIZA KWA KUWEZA KUONGOZA KATIKA MCHAKATO HUO NA HASA IKIZINGATIWA TOKA
AMEFIKA MKOA WA PWANI, AGENDA YAKE KUBWA IMEKUWA NI MAENDELEO YA VIJANA NA KUNA
UHAKIKA MKUBWA AKIBAHATIKA KUPATA NAFASI HIYO ATAWEZA KUSAIDIA VIJANA WA NCHI
NZIMA BADALA YA WA MKOA WA PWANI PEKEE YAKE.
No comments:
Post a Comment